५. सांग जगायचं कसं?


सांग जगायचं कसं?
आता कोडं हे सुटेना..

बरसूनी श्रावण आकांत..
मनी मोगरा फुलेना..
व्याकुळलेल्या धरणीची..
आग काही केल्या शमेना..

बहरूनी चांद आज..
विरही अंधार सरेना..
पिठूर चांदणं मुकाट..
काजव्याला ही पुरेना..

मंद वार्याची झूळूक..
आज केवडा हसेना..
तुझ्या बाहूपाशातील रात..
मिठी सोडता सोडीना..

तुझा बिलोरी आभास..
भार जीवा सोसवेना..
तुझा कस्तुरी श्वास..
मनी दरवळूनी ठरेना..

मागूनी प्रेमाचा जोगवा..
काही पदरी पडेना..
कसा घालू मी जागर..
त्याच्या गळी जो उतरेना..

सांग जगायचं कसं?
आता कोडं हे सुटेना..
पोरकीच ही वाट..
आज सरता सरेना..

0 comments:

Blogger Templates by Blog Forum